სოფლის მეურნეობის სამეცნიერო-კვლევითი ცენტრის აგროსატყეო კულტურების კვლევის სამსახურის პროექტი „ტყის გენეტიკურად მნიშვნელოვანი სახეობების შესწავლა და ტაქსონომიური იდენტიფიცირება საქართველოში“ დასრულდა.

პროექტის მიზანი საქართველოს ტყის გენეტიკური რესურების კვლევა, იშვიათი მერქნიანი მცენარეების ინვენტარიზაცია, პოპულაციების აღწერა, სათესლე უბნების დაფიქსირება, ზოგიერთი სახეობის ტაქსონომიური იდენტიფიცირებისთვის მორფომეტრიული, მოლეკულური და გენეტიკური კვლევების ჩატარება და კონსერვაციის მიზნით თესლთა ბანკის შექმნა იყო. ექსპედიციების ფარგლებში მკვლევარებმა იმერული მუხის - 12, წვრილფოთოლა ცაცხვის - 10, შიშველი თელის - 31, ქართული ნეკერჩხლის - 6 და ქართული ნუშის 5 ლოკაცია ბუნებრივ არეალში შეისწავლეს. თითოეული სახეობის ფარგლებში აღებულ სანიმუშო ფართობებზე მოხდა დეტალური აღწერა ადგილმდებარეობის, სამიზნე სახეობის კოდის, ტყის კატეგორიის,  გეოგრაფიული კოორდინატების, დახრილობის, ზღვის დონიდან მდებარეობის, ნიადაგის ტიპის, სათესლე უბნის და სხვა მონაცემების გათვალისწინებით.

პროექტის ფარგლებში მოხდა გადაშენების საფრთხის წინაშე მყოფი მერქნიანი მცენარეების კონსერვაცია, გენეტიკური მრავალფეროვნების შენარჩუნება, მაღალი ნაყოფმსხმოიარობით გამორჩეული უბნების გამოყოფა მუდმივ და დროებით სათესლე ნაკვეთებად. შეიქმნა თესლთა ბანკის აქტიური კოლექცია (1-3 წელი) და საბაზისო კოლექცია (4-10 წელი). ასვე მოლეკულურ-გენეტიკურმა კვლევებმა დაადგინა, რომ ქართული ნეკერჩხალი სახეობაა და არა ქვესახეობა, როგორც აქამდე იყო მიჩნეული.

აგროსატყეო კულტურების კვლევის სამსახურის 3 წლიანი პროექტი „ტყის გენეტიკურად მნიშვნელოვანი სახეობების შესწავლა და ტაქსონომიური იდენტიფიცირება საქართველოში“ შოთა რუსთაველის საქართველოს ეროვნული სამეცნიერო ფონდის მიერ იყო დაფინანსებული.

ავტორი: NS (სტატია დაფინანსებულია),

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება