2021-05-25 21:53:10, 496 ნახვა

---

ირაკლი კობახიძე: კანონპროექტში ავსახეთ მელიას სურვილი - თუ უარზეა პირი, მასზე არ ვრცელდება ამნისტია

„კანონპროექტში ავსახეთ მელიას სურვილი - თუ უარზეა პირი, მასზე არ ვრცელდება ამნისტია“, - ამის შესახებ „ქართული ოცნების“ ლიდერმა ირაკლი კობახიძემ ამნისტიის კანონპროექტზე საუბრისას განაცხადა.

მან ასევე აღნიშნა, რომ კონსულტაციები გაგრძელდება და გადაწყვეტილება შემდეგ იქნება მიღებული.

„მელია ამბობს, რომ მას არ სურს ამნისტიის შესახებ კანონის მასზე გავრცელება, პრაქტიკულად, ოპოზიცია მელიას ამ სურვილის წინააღმდეგ მიდის.

ჩვენ ავსახეთ მელიას სურვილი ამ კანონპროექტში, კერძოდ, თუ უარზეა შესაბამისი პირი, მასზე არ ვრცელდება ამნისტია, ეს არის მარტივი პოლიტიკური საკითხი, ამაზე ბუნებრივია, შესაძლებელია, გაგრძელდეს კონსულტაციები.

ვნახოთ, რა გადაწყვეტილებამდე მივალთ. ზოგადად, ყველაფერზე შეიძლება მსჯელობა, ამისთვის არის კონსულტაციები, გაგრძელდება შემდეგი ორი კვირის განმავლობაში და მივიღებთ გადაწყვეტილებას“, - განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი