2021-05-25 12:28:25, 878 ნახვა

---

ირაკლი ქადაგიშვილი - იმუქრებიან, 26 მაისს ქვეყანას არ ვაზეიმებთო, ვინ არიან? წავიდნენ, იშრომონ და საქმე გააკეთონ

საპარლამენტო უმრავლესობის წევრი, ირაკლი ქადაგიშვილი „ნამახვანჰესის“ გარშემო მიმდინარე პროტესტს ქვეყნის დესტაბილიზაციის მცდელობად აფასებს.

როგორც ქადაგიშვილმა ჟურნალისტებს განუცხადა, პროტესტის მონაწილეების უკან საღი აზრი არ დგას და შესაძლოა, ისინი მანიპულაციის ქვეშ აღმოჩნდნენ.

„მაქსიმალურად ხდება გამოგონილი, თითიდან გამოწოვილი მიზეზების გამო ქვეყნის დესტაბილიზაციის მცდელობა. იმუქრებიან, რომ ქვეყანას გავაჩერებთ, კრიზისში ჩავაგდებთ, 26 მაისის დღესასწაულს ქვეყანას არ ვაზეიმებთ, ვინ არიან?! ეკოლოგიის მომხრეები არიან თუ ქვეყნის ოკუპაციის მომხრეები? რა გააკეთეს იმისთანა ამ ქვეყნისათვის, რომ დღეს ქვეყნის გაჩერების რესურსი გააჩნიათ? წავიდნენ, იშრომონ და საქმე გააკეთონ. ამ ადამიანების უკან საღი აზრი რომ არ დგას, ეს არის ფაქტი, ეს არის ორჯერ ორი ოთხი და როცა ადამიანის უკან საღი აზრი არ დგას, ამ დროს ყველანაირი რესურსი არსებობს, რომ მანიპულაციის ქვეშ აღმოჩნდნენ“, - განაცხადა ირაკლი ქადაგიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი