2021-05-25 10:04:42, 566 ნახვა
საზოგადოება
„ნამახვანჰესის“ საწინააღმდეგო აქციის მონაწილეები 16:00 საათიდან დედაქალაქში მსვლელობას და პიკეტს გეგმავენ
„ნამახვანჰესის“ საწინააღმდეგო აქციის მონაწილეები 16:00 საათიდან დედაქალაქში მსვლელობას და პიკეტს გეგმავენ.
აღნიშნულის შესახებ აქციის ერთ-ერთმა ორგანიზატორმა, ვარლამ გოლეთიანმა გუშინ, 24 მაისს განაცხადა.
„დღეს უკვე 16:00 საათზე ველოდებით აქ საზოგადოებას, რომელიც შეიკრიბება და დაიწყებს მსვლელობას 16:00 საათიდან. კონკრეტულად არ ვამბობთ ამ ეტაპზე, 16:00 საათზე გავაჟღერებთ სცენიდან, რა მიმართულებით დავიწყებთ მსვლელობას და რა გადაიკეტება დღეს. ზოგადი გეგმა რომ გითხრათ, არის, რომ ეს პროცესი გაგრძელდება, ვიდრე არ იქნება დაკმაყოფილებული ჩვენი ძირითადი მოთხოვნები. რაც შეეხება ულტიმატუმის ენას, თქვენ იცით, რომ 211 დღე გავიდა უკვე ჩვენი პროტესტის დაწყებიდან, ამიტომ ვფიქრობ, რომ ეს შეფასება არაადეკვატურია“, - განაცხადა ვარლამ გოლეთიანმა.
ავტორი: ექსპრესნიუსი,
epn.ge (@expressnews.ge)
