2021-05-23 17:00:53, 896 ნახვა

---

გია ვოლსკი „ნამახვანჰესის“ აქციაზე - ეს საპროტესტო ტალღა ვიდრე აგორდება, უნდა დაუფიქრდეს ყველა მხარე, რასთან გვაქვს საქმე

„ეს საპროტესტო ტალღა ვიდრე აგორდება, უნდა დაუფიქრდეს ყველა მხარე, რასთან გვაქვს საქმე“, - ამის შესახებ საპარლამენტო უმრავლესობის წევრმა გია ვოლსკიმ განაცხადა.

მან ასევე აღნიშნა, რომ ხალხი გაცილებით მეტ ურთიერთმოსმენას საჭიროებს.

„სამწუხაროა, რომ მოსმენა არ არის ერთმანეთის. მსოფლიოს გამოჩენილი მოწინავე ექსპერტები, ვისაც ეს ეხება, ევროპის ენერგეტიკული საბჭოს წარმომადგენლები, ჩაერთნენ პროცესში.

უნდა შეფასდეს და გაანალიზდეს საქართველოს ინტერესები, ეკოლოგიიდან დაწყებული, ეკონომიკით და პოლიტიკით დამთავრებული.

რასაკვირველია, გამოხატვის უფლება ყველას აქვს და უნდა ჰქონდეს კიდევაც. გაცილებით მეტ ურთიერთმოსმენას საჭიროებს ხალხი და ეს საპროტესტო ტალღა ვიდრე აგორდება, უნდა დაუფიქრდეს ყველა მხარე, რასთან გვაქვს საქმე, რამხელა საფრთხეები ემუქრება ჩვენ ქვეყანას“,- განაცხადა გია ვოლსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი