გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა მდგრადი საჯარო შესყიდვების სამართლებრივი დებულებების შესახებ საკონსულტაციო სამუშაო შეხვედრა ჩაატარა. 

სამუშაო შეხვედრის მონაწილეებს მდგრადი საჯარო შესყიდვების არსი, დასანერგად გადასადგმელი ნაბიჯებისა და ამ მიმართულებით მომზადებული სამართლებრივი დებულებების პროექტები გააცნეს.

მდგრადი საჯარო შესყიდვები გულისხმობს სახელმწიფო ორგანოების მხრიდან საქონლის შეძენისას მდგრადი განვითარების სამ საყრდენზე - ეკონომიკურ, სოციალურ და გარემოს დაცვის კუთხით დაბალანსებულ გადაწყვეტილებას.

შეხვედრა საქართველოში ევროკავშირის წარმომადგენლობის ჯგუფის ხელმძღვანელმა ალექსანდრე დარასმა და გარემოსდაცვითი ინფორმაციისა და განათლების ცენტრის დირექტორმა თამარ ალადაშვილმა გახსნეს. როგორც თამარ ალადაშვილმა აღნიშნა,  მნიშვნელოვანია, რომ სამუშაო შეხვედრაში სწორედ იმ დაინტერესებულმა მხარეებმა მიიღეს მონაწილეობა, რომლებიც მომავალში ჩართული იქნებიან მდგრადი საჯარო შესყიდვების სისტემის დანერგვის და ფუნქციონირების პროცესში.

სამუშაო შეხვედრას, რომელიც  დისტანციურად ჩატარდა, პროექტის საერთაშორისო ექსპერტი ერიქს მეზალისი და ეროვნული სამართლის ექსპერტი ნატო ბერიძე უძღვებოდნენ.

შეხვედრა გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით და სახელმწიფო შესყიდვების სააგენტოს აქტიური ჩართულობით, ევროკავშირის მიერ დაფინანსებული პროექტის „EU4 Environment“ ფარგლებში   გაიმართა. პროექტი მიზნად ისახავს სახელმწიფო უწყებების შესაძლებლობათა გაძლიერებას მდგრადი საჯარო შესყიდვების და ეკომარკირების სისტემის ეფექტიანი დანერგვისა და ფუნქციონირებისათვის.

ავტორი: NS (სტატია დაფინანსებულია),

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება