2021-05-17 17:52:22, 542 ნახვა
საზოგადოება
თბილისის მუნიციპალურმა ინსპექციამ დიდ დიღომში რამდენიმე ავტოფარეხის დემონტაჟი განახორციელა
თბილისის მუნიციპალური ინსპექცია განცხადებას ავრცელებს.
უწყების ინფორმაციით, დიდ დიღომში, გიორგი ბრწყინვალეს ქ. N24-ის მიმდებარე ტერიტორიაზე, უკანონოდ აშენებული რამდენიმე ავტოფარეხის დემონტაჟი განხორციელდა
„არაერთი მოქალაქის მომართვის საფუძველზე ჩატარებული ინსპექტირების შედეგად, სახელმწიფოს საკუთრებაში არსებულ მიწის ნაკვეთებზე, სამშენებლო სამართალდარღვევის ხუთი ფაქტი გამოვლინდა, რომელზეც თბილისის მუნიციპალურმა ინსპექციამ რამდენიმე თვის წინ მოკვლევა დაიწყო.
მოკვლევის შედეგად დადგინდა, რომ აღნიშნულ მისამართზე შენობა-ნაგებობები უნებართვოდ იყო განთავსებული. მუნიციპალურმა ინსპექციამ კანონის შესაბამისად, მათი დემონტაჟი მოახდინა“, - აღნიშნულია უწყების განცხადებაში.
ავტორი: NS (სტატია დაფინანსებულია),
epn.ge (@expressnews.ge)
