საქართველოს თავდაცვის სამინისტროსა და კომპანია „მედიცენტრს“ შორის დადებული მემორანდუმის ფარგლებში დღეს, წეროვანის მარო მაყაშვილის სახელობის სარეაბილიტაციო ცენტრს თვალის პროთეზის თურქი სპეციალისტი ესტუმრა.

პროექტი რვა დაჭრილი სამხედრო მოსამსახურისთვის თვალის უახლესი ტექნოლოგიით დამზადებული პროთეზების ჩასმას ითვალისწინებდა. თურქმა სპეციალისტმა, მურად აიმ, დაჭრილი სამხედროების ჯანმრთელობის მდგომარეობის წინასწარ შესწავლის შემდეგ, პაციენტების რეპროთეზირება განახორციელა. თურქი სპეციალისტის საქართველოში ჩამოყვანასა და თვალის ახალი ტექნოლოგიით დამზადებული პროთეზებისათვის საჭირო თანხა „დაჭრილ მებრძოლთა თანადგომის ფონდმა“ აანაზღაურა.

საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტსა და კომპანია „მედიცენტრს“ შორის ურთიერთთანამშრომლობის მემორანდუმი თავდაცვის სამინისტროს დაჭრილი და დაშავებული სამხედრო მოსამსახურეების, ასევე სამოქალაქო პერსონალის თურქეთის რესპუბლიკაში სამედიცინო მომსახურებას და ბენეფიციარებისთვის მკურნალობის შეღავათიანი პირობების შეთავაზებას ისახავს მიზნად.

ავტორი: NS (სტატია დაფინანსებულია),

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა