„სააღდგომოდ გავიდეთ საფლავზე, პატივი მივაგოთ მიცვალებულებს, მაგრამ ქეიფი არაა საჭირო“, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა.

მან ასევე აღნიშნა, რომ არც ეკლესიურად და არც სხვა მხრივ საფლავზე ქეიფი მიუღებელია.

„საფლავზე ჩვეულებრივად გავიდეთ, როგორც წესი და რიგია მივაგოთ პატივი ჩვენი მიცვალებულების ხსოვნას, მაგრამ არ არის ქეიფი საჭირო საფლავზე.

არც ეკლესიურად და არც სხვანაირი გაგებით, საფლავზე ქეიფის მოწყობა მე პირადად არ მიმაჩნია მიზანშეწონილად.

ჩემი პირადი დამოკიდებულებაა, რომ მსოლფიოში რომელი ვაქცინაც არის გამოყენებული მილიონობით ადამიანზე ავითვისოთ ჩვენც, თუმცა ეს საბჭოზეა დამოკიდებული და იმედია მიიღებს ამ გადაწყვეტილებას საბჭო.

ვისაც სურს შეუძლია დაელოდოს ჯანმოს, ხოლო ვისაც აქვს ნდობა ჩვეულებრივი ვაქცინის, ზოგადად ვაქცინის დამზადების ტექნოლოგიაში დიდი განსხვავება არ არის, ამიტომ ვიღაცას მოსწონს თანამედროვე ტექნოლოგია, ვიღაცას ანტიკვარიატი.

ვაქცინაციის პირველი ეტაპები ყველაგან ამ ტემპით დაიწყო, ევროპულ ქვეყნებშიც, თავიდან ყოველთვის მდორედ მიდის ეს პროცესი და მერე ნელ ნელა აქტიურდება.

დღეს უკვე არსებული ადგილები სრულად დაჯავშნილია და ახალი საიტები,რომლებიც გაიხსნა, იქაც ნელ ნელა ივსება ადგილები, ჩვენ გვახსოვს როგორი დამოკიდებულება იყო თავიდან, თუმცა ეს პროცესი ნელნელა აქტიურ ფაზაში შედის“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები