2015-01-31 11:31:18, 2806 ნახვა
მსოფლიო
პრორუსმა სეპარატისტებმა დონბასის დასახლებული პუნქტები დაბომბეს
დონბასში პრორუსმა სეპარატისტებმა უკრაინის შეიარაღებული ძალები და დასახლებული პუნქტები ისევ დაბომბეს.
უკრაინული მედიის ცნობით, "ბოევიკები" მთელი ღამის განმავლობაში ცეცხლს "გრადის" ტიპის სისტემიდან პერიოდულად ხსნიდნენ. დაიბომბა რამდენიმე მსხვილი დასახლებული პუნქტი.
ლუგანსკის მიმართულებით, საარტილერიო დაბომბვის დროს რამდენიმე შენობა დაინგრა.
გარდაცვლილების ან დაჭრილების შესახებ ზუსტი ინფორმაცია არ ვრცელდება.
ამასთან, გუშინ, დებალცევოს დასახლებულ პუნქტებში "ბოევიკების" შეტევას შვიდი მშვიდობიანი მოსახლე ემსხვერპლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
