2021-03-30 12:11:08, 859 ნახვა
რეგიონი
ხმაური ბათუმის მერიასთან - ოპოზიციის წარმომადგენლები საკრებულოს სხდომაზე დასწრებას ითხოვენ
ბათუმის მერიის შენობასთან ხმაურია.
ოპოზიციური პარტიების წარმომადგენლები და მათი მხარდამჭერები საკრებულოს სხდომაზე დასწრებას ითხოვენ, რის საშუალებასაც მათ დაცვის პოლიცია არ აძლევს.
ადგილზე დაპირისპირება მას შემდეგ დაიწყო, რაც აქციის მონაწილეებმა პოლიციის კორდონის გარღვევა სცადეს.
ცნობისთვის, ბათუმის საკრებულოს სხდომაზე დღეს სასტუმრო „ლე მერიდიანისთვის“ ბულვარში ზღვის სანაპიროს გარკვეული ტერიტორიის იჯარით გადაცემის საკითხი უნდა განიხილონ, რასაც ოპოზიციური პარტიის წარმომადგენლები მათ მხარდამჭერებთან ერთად აპროტესტებენ.
ავტორი: ექსპრესნიუსი,
epn.ge (@expressnews.ge)
