„ჩვენი პოზიცია მანამდეც ცნობილი იყო, პლებისციტი შესაძლებელი კომპრომისია“, - ამის შესახებ „ევროპული საქართველოს“ ლიდერმა გიგა ბოკერიამ ტელეკომპანია „ფორმულას“ ეთერში განაცხადა.

მან ასევე აღნიშნა, რომ ექვსი პუნქტიდან, არის საკიხები რომელიც დროულად უნდა გადაწყდეს.

„იმ ექვს პუნქტში არის პუნქტები, რომლებიც ბევრად სწრაფ გადაწყვეტილებას მოითხოვს, რათა დანარჩენი პუნქტები დაიძრას.

ეს რაღაც წინაპირობა კი არ არის, ფაქტობრივად ასეა, ეს არის პოლიტპატიმრების გათავისუფლების საკითხი და საარჩევნო სისტემის რეგულაციის ცვლილებები.

დანარჩენი საკითხები უმნიშვნელოა. იქ ასევე უნდა მოხდეს შეჯერება, რა გზით მივდივართ. სასამართლო რეფორმა ამ დღეებში შეიძლება, ვერ მოესწროს.

უნდა გაირკვეს, პრინციპულად სად მივდივართ. მოწადინებული ვართ, რომ შედგეს შეთანხმება, ამაზე ჩვენც ვმუშაობთ ​მედიატორებთან. სანამ პრეზიდენტ მიშელის ვიზიტი იქნებოდა და სანამ მედიატორი დენიელსონი ჩამოვიდოდა, მანამდეც ცნობილი იყო ჩვენი პოზიცია, რომ პლებისციტი ჩვენთვის შესაძლებელი კომპრომისია.

ჩვენი ამოცანაა, შედეგი დადგეს და რაც შეიძლება სწრაფად“, – განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა