2021-03-15 22:19:17, 575 ნახვა
კომენტარი
არჩილ თალაკვაძე - პროცესი წინ მიდის, მოლაპარაკება გრძელდება და პოზიციების დაახლოება შესაძლებელია
„პროცესი წინ მიდის, მოლაპარაკება გრძელდება და პოზიციების დაახლოება შესაძლებელია“, - ამის შესახებ პარლამენტის თავმჯდომარემ არჩილ თალაკვაძემ განაცხადა.
მან ასევე აღნიშნა, რომ შეთანხმების პუნქტები ყალიბდება კონკრეტული ფორმებით, რითაც დასრულდება არსებული უთანხმოება.
„გვქონდა კიდევ ერთი საქმიანი, კარგი შეხვედრა. პროცესი წინ მიდის, მოლაპარაკებები გრძელდება. მინდა, მადლობა ვუთხრა ჩვენს ევროპელ კოლეგებს. ვფიქრობ, უკვე შეთანხმების პუნქტები ყალიბდება იმ ფორმით, რომ პოზიციების დაახლოება შესაძლებელია და იმედს ვიტოვებ, ორივე მხრიდან კონსტრუქციული მიდგომებით შევძლებთ, ამოვწუროთ ეს უთანხოება და შევძლოთ, რომ ნორმალურ პროცესს დაუბრუნდეს ყველა პოლიტიკური პარტია და პარლამენტი“, – განაცხადა არჩილ თალაკვაძემ.
ავტორი: ექსპრესნიუსი,
epn.ge (@expressnews.ge)
