პარლამენტის თავდაცვისა და უშიშროების კომიტეტი 2016 წლის სახელმწიფო ბიუჯეტის პროექტს მხარს უჭერს.

თავდაცვისა და უშიშროების კომიტეტის სხდომაზე, 2016 წლის სახელმწიფო ბიუჯეტის კანონპროექტის განხილვისას, ძირითადი ყურადღება ძალოვანი სამინისტროების სახელმწიფო დაფინანსების საკითხებზე გამახვილდა.

ფინანსთა მინისტრის მოადგილემ, გიორგი კაკაურიძემ კომიტეტის წევრებს მომავალი წლის ფინანსური დოკუმენტის ძირითადი პარამეტრები, მაკროეკონომიკური და საპროგნოზო მაჩვენებლები და პრიორიტეტული მიმართულებები გააცნო. მისი ინფორმაციით, 2016 წლის პრიორიტეტად კვლავაც ჯანდაცვა და განათლების  მიმართულებები განიხილება, რაც შეეხება ძალოვანი უწყებების დაფინანსებას, ასიგნებები შემდეგნაირად გადანაწილდა: თავდაცვის სამინისტრო - 670 მილიონი ლარი; შინაგან საქმეთა სამინისტრო - 595 მილიონი ლარი; სახელმწიფო უსაფრთხოების სამსახური - 95 მილიონი ლარი.

კომიტეტის წევრი, მალხაზ ვახტანგაშვილი თავდაცვის სამინისტროს შიდა პროგრამებზე გათვალისწინებული თანხებით დაინტერესდა. ფინანსთა მინისტრის მოადგილის განმარტებით, სამინისტროს ბიუჯეტი ნატო-ს წევრი ქვეყნების პრაქტიკის გათვალისწინებით დაკომპლექტდა, რაც პროგრამებს შორის თანხების გადატანას გულისხმობს და ერთ კოდში მოცემული დაფინანსება სხვადასხვა მიმართულებით გადანაწილდება.

კომიტეტმა წარმოდგენილ პროექტს და მის თანმდევ დოკუმენტაციას კენჭისყრით მხარი დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა