„ჰაერისთვის, რომელსაც ვსუნთქავთ“, – ამ ლოზუნგით მოძრაობა „გავიგუდე“ რუსთავის მერიასთან აქციას მართავს.

აქციის წევრები აცხადებენ, რომ ხელისუფლებამ არც მე-4 დაპირება შეასრულა და თებერვალშიც არ აპირებს, მიიღოს ჰაერის ხარისხის გაუმჯობესებასთან დაკავშირებული კანონები.

აქტივისტები და მოქალაქეები აღნიშნული კანონის მიღებას მოითხოვენ და ხელისუფლებას კანონის მიღებისთვის ბოლო ვადას 4 მარტს უსახელებენ. იმ შემთხვევაში თუ აღნიშნული პერიოდისთვის კანონი არ იქნება მიღებული, მოძრაობა 7 მარტს მასშტაბურ აქციას აანონსებს.

„გავიგუდეში“ აცხადებენ, რომ ხელისუფლება მოსახლეობას 4-ჯერ დაჰპირდა კანონის მიღებას, თუმცა უშედეგოდ.

აქციის წევრებმა მერიასთან გააჟღერეს პრემიერ-მინისტრის, გიორგი გახარიას განცხადება, სადაც გახარია მაჟორიტარი დეპუტატის, ნინო ლაცაბიძის წარდგენისას მოქალაქეებს 1-ელ იანვრამდე კანონის მიღებას დაპირდა.

აქციის წევრები საწარმოო ტერიტორიისკენ ავტომსვლელობასაც მოაწყობენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ