ბათუმის საქალაქო სასამართლომ, 14 წლის მოზარდის მიმართ სექსუალური ძალადობის ბრალდებით დაკავებულ 23 წლის მამაკაცს აღკვეთი ღონისძიების სახით პატიმრობა შეეფარდა. 

აღნიშნული გადაწყვეტილება მოსამართლე დავით მამისეიშვილმა მიიღო და მომდევნო სასამართლო სხდომა 6 აპრილს ჩაინიშნა.

შინაგან საქმეთა სამინისტროს ინფორმაციით, ქობულეთში არასრულწლოვანთან სქესობრივი კავშირის დამყარების ბრალდებით 23 წლის კაცი დააკავეს. ბრალდებულის დაკავება მას შემდეგ მოხდა, რაც 16 წლის ბავშვი გარდაცვლილი იპოვეს. აღნიშნულ საქმეზე გამოძიება თვითმკვლელობამდე მიყვანის მუხლით არის დაწყებული. როგორც ცნობილია, პოლიციამ აღნიშნულ ფაქტზე რეაგირება დააგვიანა.

უწყების ცნობით, გამოძიებით დადგინდა, რომ ბრალდებულმა ქობულეთის მუნიციპალიტეტში წინასწარი შეცნობით 16 წლის ასაკს მიუღწეველ, 2006 წელს დაბადებულ გოგონასთან სქესობრივი კავშირი დაამყარა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ