ვაკის რაიონის გამგეობის ინფრასტრუქტურული პროექტების ფარგლებში, პოლიტკოვსკაიას ქუჩაზე, კერძოდ კი, N37, N39, N41, N43, N45, N47, N49, N51, N53, N55, N57, N59, N61 და N63-ის მიმდებარედ სანიაღვრე ქსელის მოწყობა მიმდინარეობს.

ტერიტორიაზე სანიაღვრე ქსელი არ არსებობდა, რაც წვიმიანი ამინდის დროს გადაადგილების პრობლემას ქმნიდა. მიწისქვეშა სანიაღვრე სისტემის მოწყობის - მილების და ჭების დამონტაჟების შემდეგ, გზის საფარი განახლდება.

სამუშაოების მიმდინარეობას ვაკის რაიონის გამგებელი დავით კვინიკაძე გაეცნო.      

„ადგილობრივი მოსახლეობის თხოვნისა და საჭიროების შესაბამისად, გამგეობის დაკვეთით მოხდა სანიაღვრე ქსელის მოწყობის საპროექტო დოკუმენტაციის მომზადება. ამ დროისთვის, შესაბამისი  სამუშაოები უკვე აქტიურად მიმდინარეობს. შედეგად, აქ არსებული 14 კორპუსის ტერიტორიაზე წვიმიან ამინდში წყლის დაგუბება აღარ მოხდება, ასევე, განახლდება გზა, რომ ადამიანებმა კომფორტულად გადაადგილება შეძლონ“, - განაცხადა დავით კვინიკაძემ.

4 795 კვ. მ ფართობის გზის საფარის მოწესრიგებაზე, 379 669 ლარია გამოყოფილი, სანიაღვრე ქსელის მოწყობის პროექტის ღირებულება კი, 368 910 ლარს შეადგენს.

ავტორი: NS (სტატია დაფინანსებულია),

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას