4 ოქტომბერს პედაგოგთა პროფესიული დღე აღინიშნება. ამ დღესთან დაკავშირებით ფოთის ვალერიან გუნიას სახელობის სახელმწიფო პროფესიულ თეატრში მასწავლებლის დღისადმი მიძღვნილი საზეიმო ღონისძება მოეწყო.

ღონისძიებას ფოთის მერი ირაკლი კაკულია, საკრებულოს თავმჯდომარე ალექსანდრე თოფურია, საგანმანათლებლო რესურსცენტრის უფროსი გოჩა ქორქია, ფოთისა და ხობის მიტროპოლიტი მეუფე გრიოლი და მიწვეული სტუმრები ესწრებოდნენ.

ირაკლი კაკულიამ პედაგოგებს პირადად მიულოცა პროფესიული დღესასწაული .

“ მეც ვუერთდები ამ ღირსშესანიშნავ დღეს და მთელი გულით ვულოცავ ჩვენს მასწავლებლებს პროფესიულ დღესასწაულს. პატრიოტიზმი, შრომისადმი სიყვარული, სიმართლისთვის ბრძოლა ბავშვობიდან, ახალგაზრდობიდან იწყება და ამის ჩამოყალიბებაში მასწავლებელთა როლი განუსაზღვრელია. ჩვენმა მასწავლებლებმა უმძიმესი წლები გამოიარეს - ურთულესი ფსიქოლოგიური და მორალური ზეწოლის მიუხედავად, შეუფერებლად დაბალი ანაზღაურების მიუხედავად, მათ უარი არ თქვეს საკუთარ პროფესიაზე და შეძლეს ღირსეული თაობების აღზრდა ქვეყნისათვის”, - აღნიშნა სიტყვით გამოსვლისას ქალაქის მერმა

პედაგოგებს ფულადი პრემია ფოთის მერიამ, ფოთის პორტმა და ნელი გეგეშიძის საქველმოქმედო ფონდმა გადასცა. მათ პროფესიული დღე "ცისფერმა ტრიომ" კონცერტით მიულოცა. ღონისძიება განათლების, კულტურის და ძეგლთა დაცვის სამსახურის ორგანიზებით მოეწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი