2021-02-03 22:43:04, 630 ნახვა

---

გიორგი რურუა - ემიგრანტები, რომლებიც თვლიან, რომ არჩევნები გაყალბდა, კარგი იქნება, რომ ორგანიზება გაუწიონ პროტესტს ყველგან

„საზღვარგარეთ მცხოვრები ემიგრანტები, რომლებიც თვლიან, რომ არჩევნები გაყალბდა, კარგი იქნება, რომ ორგანიზება გაუწიონ პროტესტს ყველგან“, - ამის შესახებ ტელეკომპანია „მთავარის“ მფლობელმა გიორგი რურუამ სოციალურ ქსელშ დაწერა.

მან ასევე აღნიშნა, რომ ეს იქნება არ დანებების ბრძოლა საქართველოსთვის.

„საზღვარგარეთ მცხოვრები ჩვენი მოქალაქეები, რომლებიც თვლიან, რომ არჩევნები გაყალბდა, კარგი იქნება, რომ ორგანიზება გაუწიონ პროტესტს ყველგან - ტელევიზიებისა და გაზეთების რედაქციებთან, საერთაშორისო ორგანიზაციებთან, პარლამენტთან და  საელჩოებთან.

საქართველოში ხელოვნურად ჩაგვკეტეს და ამის საშუალება ჯერჯერობით არ გვაქვს.

მეგობრებო რას ფიქრობთ ამ იდეაზე?

სიმართლე აუცილებლად გაიმარჯვებს!

ეს არის არ დანებების ბრძოლა ჩვენი ქვეყნისათვის“, - წერს გიორგი რურუა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი