თბილისის მერი კახა კალაძე დედაქალაქის მთავრობის დღევანდელ სხდომაზე ჩუღურეთის რაიონის გამგებლის მოადგილის დაკავების ფაქტს გამოეხმაურა.

როგორც კახა კალაძემ აღნიშნა, კორუფციაში ჩართულობა მიუღებელია და ყველას, ვინც სამსახურებრივი მოვალეობის შესრულების დროს რამე სახის გადაცდომაც ეცდება, კანონის მთელი სიმკაცრით მოეთხოვება პასუხი.კორუფციაში ჩართულობა კატეგორიულად მიუღებელია. ამ მიდგომას არავის არასდროს არ „გავუტარებთ“

„რამდენიმე დღის წინ მოხდა ჩუღურეთის რაიონის გამგებლის მოადგილის დაკავება, რაც ძალიან ცუდი ფაქტია. ჩვენ გასულ წელსაც ბევრჯერ ვისაუბრეთ და ყველას განსაკუთრებული სიფრთხილე დაგევალათ კორუფციასთან დაკავშირებით. გადაცდომებთან მიმართებით თქვენ ჩემი დამოკიდებულება და მიდგომა იცით. ამიტომ, მინდა, კიდევ ერთხელ მოგიწოდოთ ყველას, რომ თითოეული ჩვენი თანამშრომელი მაქსიმალური სიფრთხილით გავაკონტროლოთ. მაქსიმალურად გავამახვილოთ ყურადღება, რომ ვინმეს რაიმე გადაცდომა არ ჰქონდეს.

რაც შეეხება იმ კონკრეტულ ფაქტს, რომელიც ჩუღურეთის რაიონის გამგებლის მოადგილეს ეხება, უდანაშაულობის პრეზუფციას ვერ დავარღვევ. დაველოდოთ გამოძიებას. თუმცა, კიდევ ერთხელ მინდა, ყველა გავაფრთხილო, რომ სამსახურებში მაქსიმალური ყურადღება გამოიჩინონ თანამშრომლებთან, რადგან რაიმე სხვა მიმართულებით ფიქრი, გადაცდომა, კორუფციაში ჩართულობა კატეგორიულად მიუღებელია. ამ მიდგომას არავის არასდროს არ „გავუტარებთ“. ყველას მაქსიმალურად, კანონის სიმკაცრით მოვსთხოვთ პასუხს“, – განაცხადა კახა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება