2021-01-08 14:18:14, 668 ნახვა

---

თეა ახვლედიანი - მზად ვართ, კონკრეტული პასუხის მიღებისთანავე ოკუპირებულ აფხაზეთში ხანძრის ქრობის პროცესში ჩავერთოთ

„მზად ვართ, კონკრეტული პასუხის მიღებისთანავე ოკუპირებულ აფხაზეთში ხანძრის ქრობის პროცესში ჩავერთოთ“, - ამის შესახებ საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, თეა ახვლედიანმა განაცხადა.

მისი თქმით, დახმარების მზაობის შესახებ არაერთხელ ეცნობა ოკუპირებული აფხაზეთის დე ფაქტო ხელისუფლებას.

„პირველ რიგში, წუხილს გამოვთქვამ, ოკუპირებული აფხაზეთის რეგიონში ბოლო დღეებში შექმნილი ხანძრების გამო. რამაც სერიოზული ზიანი მიაყენა ადგილობრივ მოსახლეობას და გარემოს, ოკუპირებულ აფხაზეთში ხანძრის კერების გაჩენისთანავე ცენტრალური ხელისუფლების მხრიდან დაუყოვნებლივ ეცნობა დე ფაქტო ხელისუფლებას ჩვენი სრული მზაობა ჩართვისა და დახმარების შესახებ. რამდენჯერმე ავამოქმედეთ ცხელი ხაზი. ამ ეტაპზე დე ფაქტო ხელისუფლებასთან ვიმყოფებით ჩვენს ხელთ არსებული ყველა არხის მექანიზმის გამოყენებით კომუნიკაციაში და კონკრეტული პასუხის მიღებისთანავე მზად ვართ პროცესში ჩავერთოთ“, - განაცხადა ახვლედიანმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი