20:46 - 16 Apr, 2024
რეკლამა/ხელმოწერა
2020-12-30 11:38:03, 1115 ნახვა

სამხედრო
ირაკლი ღარიბაშვილი: ჩვენ პანდემიის პირველივე დღეებიდან მაქსიმალური მობილიზებით დავიწყეთ მზადება, რომ ჯარისკაცები დაგვეცვა

პანდემიით გამოწვეულ სირთულეებზე, უჩვეულო გამოწვევებსა და მთავრობის მხრიდან მის ეფექტიან მართვაზე საქართველოს თავდაცვის მინისტრმა, ირაკლი ღარიბაშვილმა ტელეკომპანია „იმედზე“ გადაცემა „არენაში“ სტუმრობისას ისაუბრა. „წლევანდელი წელი იყო უჩვეულო, გამოწვევების სიმძლავრით, ვინაიდან ეს პანდემია მსოფლიოს დაატყდა თავს და კაცობრიობა ამისთვის მზად არ იყო. საქართველო, რომელიც პატარა სახელმწიფოა შეზღუდული რესურსებით, ამ გამოწვევის წინაშე აღმოჩნდა ისევე გამოუცდელი, როგორც დანარჩენი მსოფლიო. მათ შორის განვითარებული, ძლიერი სახელმწიფოები. ჩვენ წელი თავიდანვე ეფექტურად ვმართეთ და ის პირველი ტალღა, რომელიც იყო ძალიან მნიშნველოვანი, მთავრობას, სახელმწიფოს, ჯანდაცვას დაეგროვებინა გამოცდილება, გაგვეგო თუ რასთან გვქონდა საქმე, ეს პერიოდი წარმატებით გამოვიყენეთ. ყველა უწყება იყო ჩართული და პრემიერის კოორდინაციით, პარტიის თავმჯდომარის ხელმძღვანელობითა და მთლიანად ხელისუფლება იყო ორგანიზებული, რომ პანდემიის პირველი ეტაპი, ის კრიზისი წარმატებით გვემართა“, - განაცხადა თავდაცვის მინისტრმა.

ირაკლი ღარიბაშვილმა ქვეყანაში შექმნილ მდგომარეობაზეც ისაუბრა. ასევე აღნიშნა, ჯარის ჩართულობა პანდემიასთან ბრძოლაში.მათი ყაზარმულ რეჟიმზე გადასვლა და ჯარში პანდემიის გავრცელების თავიდან აცილება. „პროცესი შეეხო ყველა სფეროს. რთული მდგომარეობაა ეკონომიკური სოციალური მიმართულებით, მათ შორის ჩვენს უწყებაზეც აისახა. ჯარი თავიდანვე ჩართული იყო პროცესებში. ჩვენ ვმართავდით 85 პუნქტს. ამ წლის ერთ-ერთი მთავარი პროცესი, პანდემიის გარდა არის არჩევნები, რომელიც ჩვენს პოლიტიკურ მომავალს, ჩვენს და ჩვენი საზოგადოების ბედს განსაზღვრავს. პანდემიის პირველივე დღეებიდან მაქსიმალური მობილიზებით დავიწყეთ მზადება, რომ დაგვეცვა და დაგვეზღვია ჯარი და ჯარისკაცები ამ ვირუსის გავრცელებისგან“, - აღნიშნა თავდაცვის მინისტრმა გადაცემა „არენაში“ საუბრისას.

„ყველა ბაზასთან რამდენიმე შრე გავაკეთეთ იმისთვის, რომ პრევენცია მომხდარიყო და არ შესულიყო ჯარში ვირუსი, განსაკუთრებით მნიშვნელოვანი იყო ჯარის ყაზარმულზე გადაყვანა. ნახევარი ჯარი დისტანციურზე და ნახევარი ჩვენ გვყავდა ყაზარმულზე. ერთობლივი ძალისხმევით მასობრივი გავრცელება ჯარში არ ყოფილა. ჩვენ ამ მხრივაც შევიძინეთ გამოცდილება, რაც გულისხმობს პანდემიასთან ბრძოლას. ჩვენ ისეთი მიმართულებები, როგორიც არის მაგალითად ქიმიურ-ბაქტერიოლოგიური-რადიაციული ნივთიერებების მიმართულებას განსაკუთრებულ მნიშნველობას დავუთმობთ, კიდევ უფრო გავაძლიერებთ ამ მიმართულებას“, - განაცხადა თავდაცვის მინისტრმა.

ირაკლი ღარიბაშვილმა ასევე, ისაუბრა ბრიგადებში სამედიცინო დეპარტამენტების გაძლიერებაზე, რაც სამომავლოდ მზადყოფნას გაზრდის. „ბრიგადებში კიდევ უფრო გავაძლიერეთ სამედიცინო მიმართულება. სამედიციო დეპარტმანეტი აღიჭურვა დამატებითი ტექნიკური ბაზით, გადაიარაღდა და ყველა ეს საშუალება, რომელიც საჭიროა პანდემიის წინააღმდეგ საბრძოლველად ამის მარაგებიც გვაქვს გათვალისწინებული კიდევ უფრო უარეს სცენარებზეც. ეს მართლაც უნიკალური გამოცდილება იყო ჩვენთვის და ჩვენი ქვეყნისთვის“, - აღნიშნა ირაკლი ღარიბაშვილმა.




ავტორი: NS (სტატია დაფინანსებულია),


სოციალური ქსელები
„კანონდარღვევის ნებისმიერი ფაქტი აღკვეთილი იქნება და შესაბამისი სამართლებრივი რეაგირება მოჰყვება“ - შსს განცხადებას ავრცელებს
რუსთაველის გამზირზე საპროტესტო აქცია განახლდა - ვიდეო
პატრუშევმა დავალება გასცა, დაარწმუნონ საქართველოს ხელმძღვანელობა, ყველანაირი საშუალების გამოყენებით დაშალოს დემონსტრანტები
ოხანაშვილი - საინტერესოა, რამდენად ჯდება დემოკრატიულ სტანდარტში, როდესაც ხდება მოწოდება, „მე ვისროლე მოლოტოვის კოქტეილი“ კონკრეტული ორგანიზაციების სახელით

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics