პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის ინფორმაციით, წინა ხელისუფლებას 10-ჯერ მეტი "საგზაო მოძრაობის წესებით გათვალისწინებული აკრძალვებისა და შეზღუდვებისაგან გათავისუფლების დამადასტურებელი საშვი“ - „ნარუშილოვკა“  ჰქონდა გაცემული. სესიაშვილი ე.წ. ნარუშილოვკებთან დაკავშირებით განვითარებულ მოვლენებს მიზანმიმართულ პოლიტიკურ დაკვეთად აფასებს.

"წინა ხელისუფლებას ზუსტად 10-ჯერ მეტი "ნარუშილოვკა" ჰქონდა გაცემული. ეს არ ამართლებს იმას, რომ ჩვენი ხელისუფოლების პირობებშიც შესაძლოა რიგ შემთხვევებში ამ დოკუმენტის არამიზნობრივად გამოყენება ხდება, მაგრამ ფაქტია, რომ არა მხოლოდ 10-ჯერ მეტი იყო ის გამოყენებული, არამედ მათი აღრიცხვა საერთოდ არ ხორციელდებოდა. აქ მთავარია ის, რომ ( მე ასე ვხედავ, ჩემი აზრი ასეთია) აქ იყო მიზანმიმართული პოლიტიკური დაკვეთა", - განაცხადა ირაკლი სესიაშვილმა პარლამენტში.

შეგახსენებთ, შს მინისტრის გადაწყვეტილებით, 2009 წლის სრულიად საიდუმლო ბრძანება და მის საფუძველზე გაცემული "საგზაო მოძრაობის წესებით გათვალისწინებული აკრძალვებისა და შეზღუდვებისაგან განთავისუფლების დამადასტურებელი საშვი - ე.წ. ნარუშილოვკები ძალას კარგავს.

"შესაბამისად, ჩემი დავალებით, აღნიშნული საშვები მფლობელებს ჩამოერთმევა და განადგურდება" ,- განაცხადა გიორგი მღებრიშვილმა და აქვე დასძინა, რომ ახალი სრულიად საიდუმლო ბრძანება რამდენიმე დღეში ამოქმედდება და მოაწესრიგებს როგორც საშვების გაცემის, ისე ემათი გამოყენების კონტროლისა და საჭიროების შემთხვევაში, მათი ჩამორთმევის წესს.

"გამკაცრდება რეგულაციები და ჩამოყალიბდება ეფექტური მონიტორინგის ქმედითი სისტემა", - აღნიშნა გიორგი მღებრიშვილმა. თუმცა, მღებრიშვილმა არ უპასუხა შეკითხვას - სპეციალური საშვი ჩამოერთმევა თუ არა შინაგან საქმეთა მინისტრის მოადგილის ლევან იზორიას ძმას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა