2020-12-25 15:14:24, 593 ნახვა

---

ელენე ნიჟარაძის განცხადებით, მმართველ პარტიას აწყობს სპეკულაცია, თითქოს ISFED და ოპოზიცია გარიგებით მოქმედებდნენ

 „სამართლიანი არჩევნების“ ყოფილი ხელმძღვანელის, ელენე ნიჟარაძის განცხადებით, მმართველ პარტიას ძალიან აწყობს სპეკულაცია, თითქოს ISFED და ოპოზიცია გარიგებით მოქმედებდნენ.

მისი თქმით, პროცესებში ოპოზიციის მხრიდან ჩარევა არ მომხდარა.

„ოპოზიციის ჩარევის შესახებ საუბარი  სუფთა სპეკულაციაა, მესმის, რომ მმართველ პარტიას ძალიან აწყობს ასეთი სპეკულაცია და ამით თემის აქტუალურობის შენარჩუნება, პირველ რიგში,  ორგანიზაციის მიმართ, რასაც წლებია აკეთებენ. გამოვრიცხავ აბსოლუტურად ჩარევას, ეს იყო ადამიანური შეცდომა რომ შეიყვანეს ბათილი ბიულეტენები. რაც შეეხება მმართველ პარტიას, თუ როგორ გაიგეს, მე არ მაქვს არანაირი ინფორმაცია ამაზე, მაგრამ არაფერს არ გამოვრიცხავ, რადგან ისეთ ქვეყანაში ვცხოვრობთ რომ მიყურადება ჩვეულებრივ პრაქტიკად ითვლება“, - განაცხადა ელენე ნიჟარაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი