ქვეყანაში ეკონომიკის სწრაფი გაჯანსაღების და ეკონომიკური აქტივობის აქტიური მხარდაჭერის პროცესში დიდი მნიშვნელობა ენიჭება პოსტკრიზისულ პერიოდში ტურიზმის აღდგენისა და ხარისხობრივი განვითარების მიმართულებით განხორციელებულ ღონისძიებებს, - ამის შესახებ ეკონომიკისა და მდგრადი განვითარების მინისტრობის კანდიდატმა ნათია თურნავამ პარლამენტის კომიტეტების გაერთიანებულ მოსმენაზე გამოსვლისას განაცხადა.

მან ისაუბრა იმ ღონისძიებებზე, რომლებსაც მიმართა საქართველოს მთავრობამ ტურიზმის, როგორც კოვიდ-19 პანდემიის შედეგად ერთ-ერთი ყველაზე დაზარალებული ინდუსტრიის, დასახმარებლად.

„მიუხედავად იმისა, რომ 2021 წელი კვლავაც იქნება ძალიან დაძაბული და გამოწვევებით აღსავსე ტურიზმისთვის და აღნიშნული სექტორის აღდგენა მოხდება საშუალო ვადიან პერსპექტივაში და არა მყისიერად, ჩვენ აქ საკმაოდ წელგამართულები ვართ. პირველ რიგში, ჩვენმა ტურისტულმა ობიექტებმა შეიძინეს უნიკალური გამოცდილება, თუნდაც იგივე საკარანტინე პროგრამის ფარგლებში, როგორ ემსახურონ თავის სტუმრებს არამარტო კომფორტულად, არამედ უსაფრთხოდ და ეს კვლავაც აქტუალური იქნება უახლოეს პერიოდში”,- განაცხადა ნათია თურნავამ.

მისი თქმით, მომდევნო წლებში, საქართველოს მთავრობის ძალისხმევა მიმართული იქნება პანდემიამდე არსებული შედეგების აღდგენაზე, ტურისტული პროდუქტების  დივერსიფიკაციასა და ტურისტული ნაკადებისა და მომსახურების ხარისხობრივ გაუმჯობესებაზე. ტურიზმის განვითარების პოლიტიკის ფარგლებში გათვალისწინებული იქნება ბიზნესის მხარდაჭერა მაღალი ხარისხის სერვისების შეთავაზებისთვის, რაც ხელს შეუწყობს ქვეყანაში უფრო მაღალმხარჯველი ტურისტების მოზიდვას.

მინისტრობის კანდიდატმა ყურადღება გაამახვილა ორ საერთაშორისო ღონისძიებაზე, რომელიც ხელს შეუწყობს ტურიზმის განვითარებას. მათ შორის, 2023 წელს, საქართველო, მასპინძელი ქვეყნის სტატუსით, წარდგება მსოფლიოს ყველაზე მასშტაბურ და გავლენიან ტურისტულ გამოფენაზე - ITB Berlin 2023. ასევე, 2023 წელს, საქართველო უმასპინძლებს თხილამურსა და სნოუბორდში თავისუფალი სტილით სრიალში მსოფლიო ჩემპიონატს.

ავტორი: NS (სტატია დაფინანსებულია),

სოციალური ქსელები

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე