„თავისუფალი დემოკრატების“ ერთ-ერთი ლიდერი ალექსი პეტრიაშვილი დადებითად აფასებს ნატო-ს გადაწყვეტილებას, რომლის მიხედვითაც საქართველო სწრაფი რეაგირების ძალებს შეუერთდა. მისი თქმით, ალიანსში გაწევრიანებისთვის ეს წინგადადგმული ნაბიჯია.

„ამ თემასთან დაკავშირებით მოლაპარაკებები ფაქტობრივად ჩვენი მთავრობაში ყოფნის დროს დაიწყო. ეს ძალიან მნიშვნელოვანი ფაქტია, წინგადადგმული ნაბიჯია საქართველოს ნატოში გაწევრიანების გზაზე“.

ყოფილმა სახელმწიფო მინისტრმა ევროინტეგრაციის საკითხებში „ექსპრესნიუსთან“ სწრაფი რეაგირების ძალების მნიშვნელობაზეც ისაუბრა. მისი თქმით, ეს არის კონტინგენტი, რომელიც სტაბილურობის და უსაფრთხოების უზრუნველყოფის მიზნით კონკრეტულ ვითარებაში, ნატოს ხელმძღვანელობით ოპერაციებს განახორციელებს.

„პრაქტიკულად ეს არის იმდენად მნიშვნელოვანი ნაბიჯი, რომ ნატოს ძალებთან ერთად ხდება სრულფასოვანი ინტეგრირება ჩვენი შეიარაღებული ძალების“.

ცნობისთვის, ნატოს სწრაფი რეაგირების ძალების შექმნის გადაწყვეტილება 2002 წელს, პრაღის სამიტზე მიიღეს. ნატოს დოქტრინის თანახმად, ამ ძალების მთავარი ამოცანაა, წარმოსახულ კონფლიქტურ ქვეყანაში კონკრეტული პლაცდარმი დაიკავონ ხუთი დღის განმავლობაში და ხელი შეუწყონ ძირითადი ძალების მხრიდან სრულმასშტაბიანი ოპერაციის დაწყებას, რასაც 30 დღე დასჭირდება. საქართველო მეოთხე ქვეყანაა, რომელიც, ნატოს სწრაფი რეაგირების ძალებს შეუერთდა. დღეის მონაცემებით, სწრაფი რეაგირების ძალების რეზერვში 130 ქართველი მებრძოლია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა