„ჩვენ არც ფული არ აგვიღია ბიუჯეტიდან, ჩვენ, „გირჩი“ არ ვაპირებთ მონაწილეობას არცერთ არჩევნებში“, - ამის შესახებ „გირჩის“ ლიდერმა, იაგო ხვიჩიამ ტელეკომპანია „რუსთავი 2“-ში განაცხადა.

მან ასევე აღნიშნა, ოპოზიცია უნდა შეთანხმდეს ბოიკოტის პირობებზე და მისი დარღვევის მიზეზებზეც.

„ამ წუთას რაც არის მთავარი სასაუბრო და რაზეც უნდა ილაპარაკოს ოპოზიციამ, სულ ორი გადაწყვეტილებაა მისაღები, ერთი ბოიკოტი და მეორე რა არის ის, რის გამოც ბოიკოტი ირღვევა და ყველა შედის "ნაციონალური მოძრაობის" ჩათვლით.

თუ მეორე საკითხზე მარტო ერთი პასუხია - ვადამდელი არჩევნები და ხელისუფლებას ამაზე წითელი ხაზი აქვს გავლებული, მაშინ ოპოზიცია, თუ ნორმალური ხალხი ვართ, უნდა ვლაპარაკობდეთ როგორ წარმოგვიდგენია ბოიკოტი. იმიტომ, რომ მე და ლევან იოსელიანს ბოიკოტი წარმოგვიდგენია სხვანაირად.

ჩვენ არც ფული არ აგვიღია ბიუჯეტიდან, ჩვენ, „გირჩი“ არ ვაპირებთ მონაწილეობას არცერთ არჩევნებში, თუ ბოიკოტში ვართ, სანამ მოთხოვნა არ შესრულდება, მათ შორის არც ადგილობრივ არჩევნებში, ხოლო ჩვენი კოლეგები ოპოზიციიდან ფიქრობენ, რომ ყველაფრის მიუხედავად, ადგილობრივ არჩევნებში უნდა მიიღონ მონაწილეობა, რაც ჩემში იწვევს გაკვირვებას.

ბოიკოტში არ შევდივარ საქართველოს პარლამენტში და მონაწილეობას ვღებულობ მარტვილის რაიონის საკრებულოს არჩევნებში?!“, - განაცხადა იაგო ხვიჩიამ.

ავტორი: ექსპრესნიუსი,

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.