ძალიან ძნელია ხელისუფლება უწოდო იმ ბანდას, რომელიც ადამიანების მძევლად აყვანით ვაჭრობს, - ასე ეხმაურება „ევროპული საქართველოს“ წევრი, ირმა ნადირაშვილი, ოპოზიციური ლიდერების განახლებულ სასამართლო პროცესებს.

მისი თქმით, ხელისუფლებას სურს, რომ აიყვანის მძევლად ადამიანები და ამით ევაჭროს ოპოზიციას, რომ შევიდნენ პარლამენტში.

„ერთი მეორეს მიყოლებით ჩანიშნეს სასამართლოები, პოლიტიკური პროცესები, საქართველოს მთავრობამ დაარღვია შეთანხმება, რომელიც მას გაფორემბული ჰქონდა მათ შორის ელჩების თანდასწრებით, რომ პოლიტიკური დევნა შეწყდებოდა, ეს შეთანხმება დაირღვა და ძალიან ძნელია ხელისუფლება უწოდო იმ ჯგუფს, ბანდას, რომელიც ადამიანების მძევლად აყვანით ვაჭრობს.

ბიძინა ივანიშვილმა ნახა, რომ ოპოზიცია არის ერთიანი, არ ვაპირებთ პარლამენტში შესვლას, ახლა უნდა, რომ ადამიანები აიყვანოს მძევლად, პირად პოლიტიკურ პატიმრებად და ამით ევაჭროს ოპოზიციას.

ვთვლი, რომ ერთიანობა და კიდევ ერთი მტკიცე განცხადება, რომ პარლამენტში, რომელსაც არ აქვს ლეგიტიმაცია და არ აურჩევია ხალხს, შესვლა იქნება გარიგება ბიძინა ივანიშვილთან და ამაზე ოპოზიცია წასვლას არ აპირებს“, -  განაცხადა ნადირაშვილმა.

ცნობისთვის, საქალაქო სასამართლოში ოპოზიციური პარტიების წარმომადგენლების და „მთავარი არხის“ დირექტორის პროცესები განახლდა. კერძოდ, 7 დეკემბერს ნიკა გვარამიას, 10 დეკემბერს გიგი უგულავას, 14 დეკემბერს ირაკლი ოქრუაშვილის, ხოლო 15 დეკემბერს ნიკა მელიას სასამართლო პროცესები ჩაინიშნა.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება