თანხები, რომელიც ჩვენ წელს მოვიზიდეთ, სრულად ჰყოფნის დასახელებული პროგრამების დაფინანსებას, ამიტომ განსაკუთრებული, ახალი მოლაპარაკებები ვალების აღებასთან დაკავშირებით, არ იგეგმება, - ამის შესახებ ფინანსთა მინისტრმა ივანე მაჭავარიანმა მთავრობის ადმინისტრაციაში გამართულ ბრიფინგზე განაცხადა.

როგორც მან აღნიშნა, მომავალ წელს, შექმნილი ვითარებიდან გამომდინარე, მაღალი საბიუჯეტო დეფიციტი შენარჩუნდება.

„მომავალ წელს გაგრძელდება ყოველწლიური მოლაპარაკებები დონორებთან, როგორიც დაგეგმილია ყოველ წელს სხვადახვა პროექტისა თუ რეფორმის მხარდასაჭერად. ასევე გაგრძელდება იმ თანხების ჩამორიცხვა, რაზეც მიმდინარე, 2020 წელს მოვილაპარაკეთ. ისეთი გადაუდებელი რეაგირების პაკეტის მობილიზება, როგორიც წელს დაგვჭირდა, არ იგეგმება, რადგან უკვე გვაქვს საკმარისი თანხები, თუმცა ეს ნიშნავს იმას, რომ ვალის შემცირებას იმ ტემპით ვეღარ დავიწყებთ, რომლითაც სხვა შემთხვევაში დავიწყებდით“, - განაცხადა ფინანსთა მინისტრმა ივანე მაჭავარიანმა.

ამავე დროს, მან აღნიშნა, რომ საქართველოს აქვს კარგი რეპუტაცია, შესაბამისად, საჭიროების შემთხვევაში ქვეყანა შეძლებს ახალი ფინანსური რესურსების მოზიდვას.

ავტორი: NS (სტატია დაფინანსებულია),

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით