პრემიერი - არ უნდა გვქონდეს ილუზია, რომ შეზღუდვებით ეპიდემიის გავრცელების ციფრებს ასეულებამდე ან ათეულებამდე დავიყვანთ

2020-11-26 14:45:13, 434 ნახვა

კომენტარი

არ უნდა გვქონდეს ილუზია, რომ ჩვენ ორთვიანი გეგმით ეპიდემიის გავრცელების ციფრებს დავიყვანთ ასეულებამდე ან ათეულებამდე, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, დამატებითი ღონისძიებები შეამცირებს ვირუსის გავრცელების სისწრაფეს.

„ეს არის საქართველოს მთავრობის ორთვიანი გეგმა. ყველას კარგად უნდა გვესმოდეს, რომ ეს გეგმა გახლავთ პირველ რიგში დისკუსიის შედეგად მიღებული. ჩვენი მთავარი მიზანი არი ის, რომ შევაჩეროთ ეპიდემიის ზრდის სისწრაფე, არ უნდა გვქონდეს ილუზია, რომ ჩვენ ორთვიანი გეგმით ეპიდემიის გავრცელების ციფრებს დავიყვანთ ასეულებამდე ან ათეულებამდე. ჩვენი მთავარი მიზანია ამ ორთვიანი ღონისძიებით, ეპიდემიის გავრცელების სისწრაფე შევამციროთ“, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან