2020-11-25 19:02:10, 1717 ნახვა
ომი უკრაინაში
ახალციხეში კოვიდ-19-ით გარდაიცვალა მამა-შვილი, რომლებიც ბინაზე მკურნალობდნენ
ახალციხეში კოვიდ-19-ით გარდაიცვალა მამა-შვილი, რომლებიც ბინაზე მკურნალობდნენ.
როგორც ოჯახის ექიმი „რუსთავი 2“-თან საუბრისას აღნიშნავს, მამა-შვილი ავად იყვნენ და კლინიკაში გაგზავნა, სადაც ისინი არ მიიღეს.
„მამა-შვილი ავად იყვნენ, გავსინჯე და სასწრაფო დახმარება გამოვიძახე და ახალციხის კლინიკაში გავაგზავნე, რადგან მეც ავად ვარ და საკმაო რაოდენობის ავადმყოფები მყავს ადგილზე.
სასწრაფო დახმარების ბრიგადა სახლში არ შევიდა, ოჯახის წევრებს უთხრეს, რომ პაციენტი კლინიკაში თავად უნდა მისულიყო.
მოხუცი ახალციხის რეფერალურ ჰოსპიტალში თანასოფლელებმა წაიყვანეს, იქ ექთნებს უთქვამთ, რომ ადგილები არ ჰქონდათ, ამის შემდეგ უკან გამობრუნდა და მეორე დღეს, დილის 6 საათზე გარდაიცვალა“, - განაცხადა ექიმმა ვაჰან ვაჰანიანმა.
ავტორი: ექსპრესნიუსი,
epn.ge (@expressnews.ge)
