2020-11-16 17:38:20, 655 ნახვა

---

მამუკა მდინარაძე - თავხედური განცხადებები ე.წ სირცხვილის კორიდორზე, „ნაცმოძრაობის“ დამოკიდებულებაა ამომრჩევლისადმი

ეს არის „ნაციონალური მოძრაობის“ ზოგიერთი ლიდერის დამოკიდებულება საკუთარი ამომრჩევლის მიმართ, - ასე ეხმაურება „ქართული ოცნების“ ერთ-ერთი ლიდერი მამუკა მდინარაძე აჭარის ორგანიზაციის ლიდერის, ლევან ვარშალომიძის გუშინდელ განცხადებას.

როგორც მან აღნიშნა, კარგია, რომ ოპოზიციის რამდენიმე წარმომადგენელი აღნიშნულ განცხადებას გაემიჯნა.

„არ შემიძლია არ შევეხო ე.წ. სირცხვილის კორიდორის, რომელთან დაკავშირებითაც გაკეთდა ძალიან თავხედური განცხადებები გუშინდელი დღის განმავლობაში. ძალიან კარგია რომ ამ მიდგომას გაემიჯნა უკვე რამდენიმე წარმომადგენელი ოპოზიციიდან. ნათლად ჩანს, რომ ეს არის განსაკუთრებით „ნაციონალური მოძრაობის“ ზოგიერთი ლიდერის დამოკიდებულება საკუთარი ამომრჩევლის, ხალხის მიმართ. რამდენიმე მათგანმა გაბედა, რომ დაეანონსებინა სირცხვილის კორიდორის და ამომრჩეველზე ზემოქმედების ეს სახე მეორე ტურისთვის. ეს წარმოუდგენელია, რადგან ალბათ, არავის ეგონა, რომ 2020 წელს შეიძლებოდა მსგავსი რამ რომელიმე პოლიტიკოსის მხრიდან განხორციელებულიყო“, - განაცხადა მამუკა მდინარაძემ.

ცნობისთვის, გუშინ, 15 ნოემბერს აჭარის ორგანიზაციის ლიდერმა, ლევან ვარშალომიძემ არჩევნების მეორე ტურზე საარჩევნო უბნებთან სირცხვილის კორიდორის მოწყობის შესახებ განაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი