2020-11-01 17:35:38, 793 ნახვა
კომენტარი
სალომე სამადაშვილი - გუშინ ქართველ ხალხს წაართვეს არჩევანი
გუშინ ქართველ ხალხს წაართვეს არჩევანი, - ამის შესახებ ფრაქცია „ნაციონალური მოძრაობის“ თავმჯდომარის მოადგილემ, სალომე სამადაშვილმა პარლამენტის შენობასთან გამართულ აქციაზე განაცხადა.
მისი თქმით, ოპოზიცია არ გაჩერდება, ვიდრე ქართველი ხალხის ნება არ დაკმაყოფილდება.
„დღეს აქ ვართ ვინც ხმა მისცა დემოკრატიულ საქართველოს. ჩვენ გვინდა, ბიძინა ივანიშვილს ვუთხრათ, ჩვენს ბედს ჩვენ გადავწყვეტთ. არც ერთი დემოკრატიული პარტია არ აღიარებს ამ არჩევნებს ლეგიტიმურად. გუშინ ქართველ ხალხს წაართვეს არჩევაანი. სანამ არ დაკმაყოფილდება ქართველი ხალხის ნება ჩვენ არ გავჩერდებით“, - განაცხადა სამადაშვილმა.
ავტორი: ექსპრესნიუსი,
epn.ge (@expressnews.ge)
