დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ჯანდაცვის სისტემა დღიურად 2 ათას ინფიცირებულს უმკლავდება და ამიტომ გეგმა „ბ“-ს ამუშავება საჭირო არ იქნება.

მისი თქმით, მიუხედავად ყველაფრისა ამოუწურავი რესურსები არ არსებობს, მათ შორის ჯანდაცვის სექტორშიც.

„ჩვენ არ უნდა მივიდეთ იმ დონემდე, როდესაც ჯანდაცვის სისტემას გაუჭირდება ინფიცირებულთა მართვა. სამედიცინო საზოგადოებისა და ჯანდაცვის სისტემის უპირველესი მოვალეობაა, რომ ყველა გამოწვევას შესაბამისად შეხვდეს. მოგეხსენებათ, ამოუწურავი რესურსები არ არსებობს, მათ შორის ჯანდაცვის სექტორშიც. ჩვენ პროგნოზირების რამდენიმე სცენარი გვაქვს. ჯერჯერობით ვხედავთ, რომ საქართველოს ჯანდაცვის სისტემა და სექტორი უმკლავდება დღიურად დაახლოებით, 2000 ახალ შემთხვევას. ამიტომ მე ვფიქრობ, რომ ჩვენ არ მივალთ იმ სტადიამდე როდესაც გეგმა „ბ“-ს ამუშავება იქნება საჭირო. ჯანდაცვის სექტორმა უნდა გაუძლოს, ეს არის ჩვენი მოვალეობა“, - განაცხადა გამყრელიძემ.

ავტორი: ექსპრესნიუსი,

სოციალური ქსელები

როგორი ამინდია მოსალოდნელი საქართველოში 20-22 აპრილს - გარემოს ეროვნული სააგენტო ინფორმაციას ავრცელებს

DRI - „რუსული კანონის“ საწინააღმდეგო აქციაზე ყველა დაკავებულის მიმართ ადგილი ჰქონდა ფიზიკურ ძალადობას

Reuters - უკრაინა აცხადებს, რომ რუსული ბომბდამშენი მათ ჩამოაგდეს

რუსთავის საკრებულოში „ოცნების“ ფრაქცია - მივმართეთ საკრებულოს თავმჯდომარეს, ჩანიშნოს სხდომა, რომელზეც ძირითად საკითხებად იქნება საკრებულოს თავმჯდომარის და მისი მოადგილეების გადაყენების საკითხი