დედაქალაქის ყოფილი მერის გიგი უგულავას ადვოკატის ბექა ბასილაიას განცხადებით,  „თბილსერვისისა“  და რიყის ტერიტორიის გასხვისების საქმეზე უგულავას მიმართ განაჩენთან დაკავშირებით სასამართლო დღეს საღამოს ან ხვალ დილით იმსჯელებს. 

ბასილაიას თქმით, აღნიშნულთან დაკავშირებით დაზუსტებულ ინფორმაციას, უახლოეს პერიოდში მიიღებენ. 
ადვოკატის შეფასებით, ყველანაირი ვადებისა და პროცედურების დარღვევთ, 1 დღით გათავისუფლებული ადამიანის ციხეში დაბრუნებას ცდილობენ. 
„სასამართლო მოქმედებს ბიძინა ივანიშივლის, გია ვოლსკის, თამაზ მეჭიაურისა და ამ ხელისუფლების სხვა წარმომადგენლების დღის წესრიგით. სასამართლოს თავისი დღის წესრიგი არ გააჩნია. სასამართლო არის ინსტრუმენტი, პოლიტიკური ხელმძღვანელობის ხელში. სასამართლომ განაცხადა, რომ განაჩენთან დაკავშირებით იმსჯელებს დღეს საღამოს ან ხვალ დილით, დაახლოებით ამ პერიოდში. ამასთან დაკავშირებით უახლოეს პერიოდში მივიღებთ ინფორმაციას. დღეს,  გვაქვს მოცემულობა, რომ სასამართლო სრულიად უკანონოდ, ყველანაირი ვადებისა და პროცედურების გავლით ცდილობს ერთი დღით გათავისუფლებული ადამიანი ციხეში უკან შეაბრუნოს. ამის შემდგომ რაიმე კანონს ან ადამიანურ ღირებულებებს ამ ქვეყანაში რა აზრი გააჩნია?!“,– აღნიშნა ბექა ბასილაიამ. 
ცნობისთვის,  „თბილსერვის“ ჯგუფისა და რიყის ტერიტორიის გასხვისების საქმეზე მოსამართლე ლაშა ჩხიკვაძე შემაჯამებელი გადაწყვეტილების მისაღებად  სათათბიროდ გავიდა.
თუმცა, მოსამართლეს არ დაუკონკრეტებია,  რამდენ ხანში გამოიტანს განაჩენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება