„იმედის“ საქმეზე მოსამართლემ გიგი უგულავასთან დაკავშირებით გადაწყვეტილება შესაძლოა, დღესვე მიიღოს

2015-09-17 12:13:56, 708 ნახვა

სამართალი

თბილისის საქალაქო სასამართლოში ტელეკომპანია „იმედის“ საქმეზე დედაქალაქის ყოფილი მერის გიგი უგულავას სასამართლო პროცესი უნდა გაიმართოს.

სხდომაზე ადვოკატი დასკვნითი სიტყვით წარსდგება. ასევე სიტყვით გამოსვლას გეგმავს თავად ბრალდებული გიგი უგულავაც.

შესაძლოა მოსამართლემ აღნიშნულ საქმეზე გადაწყვეტილება დღეს მიიღოს.

საქალაქო სასამართლოს ეზოში შეკრებილები არიან „ნაციონალური მოძრაობის“ წარმომადგენლები, გიგი უგულავას ოჯახის წევრები და ახლობლები.

როგორც უგულავას მეუღლემ ლელა კილაძემ ჟურნალისტებს განუცხადა, კომენტარს სასამართლო პროცესის დასრულების შემდეგ გააკეთებს.

ასევე, „ნაციონალური მოძრაობის“ წევრმა ირმა ნადირაშვილმა პრეზიდენტს და სახალხო დამცველს მოუწოდა, მიმდინარე მოვლენებთან დაკავშირებით საკუთარი პოზიცია დააფიქსირონ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან