დამერწმუნეთ, არ არსებობს ისეთი თვითმფრინავი, რომელიც ამომრჩეველს ჩამოგიყვათ და თქვენი რეიტინგი გაუმჯობესდება, - ასე მიმართა ეკონომიკისა და მდგრადი განვითარების მინისტრმა ნათია თურნავამ "ევროპული საქართველოს" წევრს, გიორგი კანდელაკს.

მანამდე, გიორგი კანდელაკმა გიორგი კანდელაკმა მიმართა ეკონომიკის მინისტრს კითხვით, რატომ არ უხსნის საზღვარს საქართველო საბერძნეთს, სადაც ბევრად უფრო კარგი ეპიდვითარებაა და გამოთქვა ეჭვი, რომ აღნიშნული არჩევნებს უკავშირდება, რადგან საბერძნეთში დიდი ქართული დიასპორაა.

„ის პოლიტიკური მოტივი, ბატონო გიორგი, რაც თქვენ დაასახელეთ, თითქოს საბერძნეთში არის ბევრი განრისხებული პოტენციური ამომრჩეველი, რომელსაც ჩვენ ხელს ვუშლით ჩამოსვლაში, ეს რბილად რომ ვთქვათ, სიცრუეა. არჩევნებში მონაწილეობის უფლების მქონე ნებისმიერ მოქალაქეს, სადაც არ უნდა იყოს ის, აქვს არჩევნებში მონაწილეობის უფლება საკონსულოებსა და საელჩოებში.

და მეორე, მესმის თქვენი სუფთად პოლიტიკური მცდელობა, შექმნათ ილუზია, რომ სადღაც შორს არსებობს თქვენი მასობრივი ამომრჩეველი და აი, საქართველოს ხელისუფლება უშლის ხელს. დამერწმუნეთ, არ არსებობს ისეთი თვითმფრინავი, რომელიც ჩამოგიყვანთ თქვენ ამ მითოლოგიურ ამომრჩეველს და თქვენი რეიტინგი გაუმჯობესდება საარჩევნოდ, ნუ წუხართ ამაზე", - განაცხადა ეკონომიკის მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ალიევი: სომხეთმაც და აზერბაიჯანმაც უკვე მიიღეს რეალური სარგებელი მშვიდობით

სომხეთის პრემიერ-მინისტრი: იმედი მაქვს, 2028 წელს აზერბაიჯანს ვესტუმრები

ერევანში ევროპის პოლიტიკური საზოგადოების მერვე სამიტის პლენარული სესია გაიხსნა

კალასი - საქართველოს მთავრობა არასწორი მიმართულებით დგამს ნაბიჯებს