ყოფილი ევროკომისარის განცხადებით, საქართველომ კანონის უზენაესობის გზას გადაუხვია

2020-09-05 18:24:32, 6800 ნახვა

მსოფლიო

ყოფილი ევროკომისარი და იტალიის ყოფილი საგარეო საქმეთა მინისტრი, ფრანკო ფრატინი აცხადებს, რომ საქართველომ კანონის უზენაესობის გზას გადაუხვია.

ამის შესახებ სტატიას The Parliament Magazine ავრცელებს.

ფრატინი აღნიშნავს, რომ მნიშვნელოვანია ევროპარლამენტს მხედველობიდან არ გამორჩეს საქართველოს საკითხი კანონის უზენაესობის გაუარესების სფეროში.

გამოცემა წერს, რომ ყოფილი ევროკომისარი საქართველოში საერთაშორისო ინვესტორების მიმართ ვითარების გაუარესებაზეც საუბრობს და ყურადღებას ამახვილებს ანაკლიის ღრმაწყლოვანი პორტის პროექტის საკითხზე.

„მომდევნო საპარლამენტო არჩევნები ოქტომბერში არის დაგეგმილი. ვინ იქნება გარანტი, რომ მთავრობა არჩევნებამდე სატელეკომუნიკაციო კომპანიებზე არ დაამყარებს კონტროლს?“, - აცხადებს ფრატინი.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან