ინოვაციების და ტექნოლოგიების სააგენტოს თავმჯდომარე კრინიცაში მიმდინარე ეკონომიკურ ფორუმზე სიტყვით გამოვიდა

2015-09-10 15:59:45, 857 ნახვა

ეკონომიკა

საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარე ირაკლი ქაშიბაძე დღეს, პოლონეთის ქალაქ კრინიცაში მიმდინარე ეკონომიკურ ფორუმზე სიტყვით გამოვიდა.

ირაკლი ქაშიბაძემ მონაწილეობა მიიღო პლენარულ სესიაზე " ევროპისა და აზიის ტექნოლოგიური სააგენტოები - თანამშრომლობა ინოვაციებისთვის." თავის გამოსვლაში სააგენტოს ხელმძღვანელმა ხაზი გაუსვა ცოდნაზე დაფუძნებული ეკონომიკის მშენებლობაში ინოვაციების წახალისების განსაკუთრებულ როლს და გამოხატა მზაობა თანამშრომლობისა და საუკეთესო პრაქტიკების გაზიარებისთვის.

ირაკლი ქაშიბაძის თქმით, უმნიშვნელოვანესია, საქართველოს შესახებ ინფორმაცია ევროპაში ისეთი საერთაშორისო დონის ფორუმებიდან და ტრიბუნებიდან ისმოდეს, როგორიც კრინიცას 25-ე ეკონომიკური ფორუმია.

კრინიცას 25ე ეკონომიკური ფორუმი პოლონეთის ქალაქში ყოველწლიურად იმართება. წელს რიგით 25-ე კონფერენცია ჩატარდა, რომელშიც მსოფლიოს 60 ქვეყნიდან 3000-ზე მეტი სტუმარი - პოლიტიკური, ეკონომიკური და სოციალური ლიდერები მონაწილეობდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან