ინოვაციების და ტექნოლოგიების სააგენტოს თავმჯდომარე პოლონეთში რიგით 25-ე ეკონომიკურ ფორუმში მიიღებს მონაწილეობას

2015-09-10 10:38:32, 853 ნახვა

ეკონომიკა

8-10 სექტემბერს პოლონეთში რიგით 25-ე ეკონომიკური ფორუმი იმართება.

როგორც „ექსპრესნიუსს“ ინოვაციების და ტექნოლოგიების სააგენტოდან აცნობეს, ფორუმში მონაწილეობას იღებს 3000-ზე მეტი სტუმარი 60 ქვეყნიდან - პოლიტიკური, ეკონომიკური და სოციალური ლიდერები ევროპიდან, აზიასა და ამერიკიდან.

10 სექტემბერს, 12:40 სთ-ზე ეკონომიკურ ფორუმზე საქართველოდან სიტყვით, საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარე ირაკლი ქაშიბაძე წარსდგება.

ირაკლი ქაშიბაძე მონაწილეობას იღებს პლენარულ სესიაზე “ ევროპისა და აზიის ტექნოლოგიური სააგენტოები - თანამშრომლობა ინოვაციებისათვის“ სლოვაკეთის, ჩეხეთის, გერმანიის წარმომადგენლებთან ერთად .

კრინიცას 25-ე ეკონომიკური ფორუმი ყოველწლიურად ტარდება პოლონეთის ქალაქ კრინიცაში. წელს რიგით 25-ე კონფერენცია გაიმართა. ეკონომიკურ ფორუმს ყოველწლიურად 2500-3000 მონაწილე ჰყავს, ეკონომიკის და საზოგადოებრივი ლიდერების სახით.

ფორუმს მასშტაბურ გაშუქებას მსოფლიოს 60-მდე ქვეყნის 500 ჟურნალისტი უზრუნველყოფს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან