2020-08-12 11:19:50, 20139 ნახვა

---

პაატა იმნაძე - თუ ლენჯერის მსგავსი კერა ქვეყნაში რამდენიმე წერტილში გაჩნდება, დაავადების შეკავება შეუძლებელი გახდება

თუ ლენჯერის მსგავსი კერა ქვეყნაში რამდენიმე წერტილში გაჩნდება, დაავადების შეკავება შეუძლებელი გახდება, - ამის შესახებ დაავადებათა ეროვნული ცენტრის ხელმძღვანელის მოადგილემ პაატა იმნაძემ განაცხადა.

მისი თქმით, თუ ლენჯერის მსგავსი დაავადების კერები ქვეყნის რამდენიმე წერტილში გაჩნდება, ქვეყანას რესურსი არ ეყოფა იმისთვის, რომ მსგავსი კვლევები ცალ-ცალკე მუნიციპალიტეტში ჩატარდეს.

„30 შემთხვევა დაფიქსირებულია ერთ კერასთან, ლენჯერთან - ეს ძალიან ბევრია. ამიტომ ის ღონისძიებები რაც გატარდა მესტიის მუნიციპალიტეტი იყო მნიშვნელოვანი, რომ მაქსიმალურად მომხდარიყო შეკავება. მაგრამ თუ ასეთი კერა ქვეყნაში რამდენიმე წერტილში გაჩნდება, დაავადების შეკავება შეუძლებელი გახდება. არც ერთი რესურსი იმას არ ეყოფა რომ ცალ-ცალკე მუნიციპალიტეტში მიმდინარეობდეს ასეთი კვლევები. საბედნიეროდ, ყაზბეგში არ ჩანს ის, რომ ასეთივე მდგომარეობა შეიქმნება, რასაც ვერ ვიტყვი მესტიაზე“, - განაცხადა იმნაძე.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი