2020-08-11 12:28:06, 2206 ნახვა

---

თორნიკე რიჟვაძე: რამდენადაც ტრაგიკული იყო შინდისის გმირების აღსასრული, იმდენად დიდი იყო მათი თავდადება ქვეყნის წინაშე

შინდისის ბრძოლის გმირები გაიხსენეს ბათუმში. თორნიკე რიჟვაძემ,  აჭარის მთავრობის წევრებმა, საჯარო პირებმა წუთიერი დუმილით პატივი მიაგეს 2008 წლის ომში დაღუპულ გმირებს.

,,დღეს ჩვენ ვიხსენებთ აგვისტოს ომის ყველაზე გამორჩეულ ჯარისკაცებს, შინდისის გმირებს. რამდენადაც ტრაგიკული იყო მათი აღსასრული, იმდენად დიდი გმირობა და თავდადება გამოიჩინეს მათ ქვეყნის წინაშე. ესაა ნამდვილი მაგალითი თუ როგორი უნდა იყოს ჭეშმარიტი პატრიოტი" - განაცხადა აჭარის მთავრობის თავმჯდომარემ, თორნიკე რიჟვაძემ.

შინდისის გმირების სახელობის მემორიალი ყვავილებით შეამკეს და  შინდისის ბრძოლოს 12 წელთან დაკავშირებით გმირების ხსოვნას პატივი მიაგეს საჯარო პირებმა, აჭარის მინისტრთა კაბინეტის წევრებმა, მუნიციპალიტეტის ხელმძღვანელებმა და მათი სახელობის სკვერში სიმბოლურად, გმირულად დაღუპული მეომრების სახელზე 17 ხე დარგეს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი