2020-08-05 11:06:25, 1781 ნახვა
საზოგადოება
კახა კალაძე მოქალაქეებს, რომლებსაც ჭავჭავაძის გამზირზე საცობში დგომა მოუწიათ, ბოდიშს უხდის
თბილისის მერი კახა კალაძე ყველა იმ ადამიანს, ვისაც ჭავჭავაძის გამზირზე საცობში დგომა მოუწია, ბოდიშს უხდის.
კალაძემ განაცხადა, რომ მოქალაქეების ადგილზე მასაც მსგავსი დამოკიდებულება ექნებოდა.
„მინდა ბოდიში მოვუხადო ყველა იმ ადამიანს, იმ ავტომობილის მძღოლს, ვინც კონკრეტულ დღეს გადაადგილდებოდა ჭავჭავაძის გამზირზე და მოუწია საცობში დგომა. ადამიანურად მესმის თქვენი, მეც ჩვეულებრივი რიგითი მოქალაქე ვარ, მეც ვმართავ ავტომობილს და თქვენს ადგილზე მეც იგივე დამოკიდებულება და განწყობა მექნებოდა“, - განაცხადა კალაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
