2020-07-13 13:01:47, 3283 ნახვა
რეგიონი
ბათუმში 2 პირი დაჭრეს - სავარაუდო დამნაშავე დაკავებულია
ბათუმში, გუშინ ღამით ორი პირი დაჭრეს.
შემთხვევა ერთ-ერთ კლუბში მოხდა, რომელსაც წინ ურთიერთშელაპარაკება უძღოდა.
დაშავებულები კლინიკა „მედცენტრში“ გადაიყვანეს. ექიმის ინფორმაციით, ერთის მდგომარეობა მძიმეა, მას ჭრილობა ბარძაყის არეში აქვს მიყენებული, ხოლო მეორეს კი გულ-მკერდის არეში.
როგორც „ექსპრესნიუსს“ შინაგან საქმეთა სამინისტროში განუცხადეს, სავარაუდო დამნაშავე ცხელ კვალზე დააკავეს.
მათივე განცხადებით, მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებს გულისხმობს.
ავტორი: ექსპრესნიუსი,
epn.ge (@expressnews.ge)
