2020-07-10 11:16:59, 3074 ნახვა

---

სულხან სალაძე - „ელექტრონული კომუნიკაციების შესახებ“ კანონში ცვლილებები კომისიას აძლევს შესაძლებლობას, გრძელი ხელის საშუალებით ჩაერიოს მაუწყებლების საქმიანობაში

კოალიცია „მედია ადვოკატირებისთვის“ პარლამენტთან „ელექტრონული კომუნიკაციების შესახებ“ კანონში ცვლილებებს აპროტესტებს.

არასამთავრობო ორგანიზაციაში აღნიშნავენ, რომ კომუნიკაციების მარეგულირებელი კომისიის მიერ მომზადებულ კანონპროექტები ქმნის შესაძლებლობას, რომ მომავალში მათ გამოხატვის თავისუფლების შეზღუდვა შეძლონ.

სულხან სალაძის განცხადებით, აღნიშნული კანონპროექტები მარეგულირებელ კომისიას აძლევს შესაძლებლობას, რომ გრძელი ხელის საშუალებით მუდმივად ერეოდეს მაუწყებლების, ელექტრონული კომუნიკაციების, სუბიექტების საქმიანობაში.

ორივე კანონპროექტი მომზადდა ერთდროულად ყოველგვარი ექსპერტული ჩარევისა და მონაწილეობის გარეშე. ესაა ნაჩქარევად მომზადებული კანონპროექტები, რომლებიც არსებითად აუარესებს ქვეყანაში გამოხატვის თავისუფლებას. შეიძლება ვთქვათ, რომ ეს არის კანონპროექტყები, რომლებიც მარეგულირებელ კომისიას აძლევს შესაძლებლობას, რომ გრძელი ხელის საშუალებით მუდმივად ერეოდეს მაუწყებლების, ელექტრონული კომუნიკაციების, სუბიექტების საქმიანობაში.

კანონპროექტები ქმნის შესაძლებლობას რომ მომავალში საჭიროების მიხედვით მათ შეძლონ გამოხატვის თავისუფლების შეზღუდვა“, - განაცხადა სულხან სალაძე.

ცნობისთვის, დღეს კომუნიკაციების მარეგულირებელი კომისიის კანონპროექტებს პარლამენტში დაჩქარებული წესით განიხილავენ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი