გიორგი კანდელაკი - მოვუწოდებ მთავრობას რეგულაციების დაწესებით გახსნას სახმელეთო საზღვარი თურქეთთან

2020-07-08 12:40:54, 4223 ნახვა

კომენტარი

„ევროპული საქართველოს“ წევრის გიორგი კანდელაკის განცხადებით, სავალდებულო კარანტინის გავლა იმ ქვეყნებიდან დაბრუნებული მოქალაქეებისთვის, რომლებიც საზღვარს კარანტინის გარეშე გვიხსნიან დისკრიმინაციულ ხასიათს ატარებს.

„სრულიად გაუგებარია რატომ ვთხოვთ ჩვენ საქართველოს მოქალაქეებს რომ გაიარონ 14 დღიანი კარანტინი იმ შემთხვევაშიც კი თუკი ისინი იმყოფებოდნენ ევროკავშირის იმ წევრ სახელმწიფოებში, რომლებთანაც ჩვენ გვაქვს საზღვარი გახსნილი კარანტინის გარეშე. რა დისკრიმინაციას აქვს ადგილი? მოვუწოდებ მთავრობას ეს გადაწყვეტილება შეცვალონ, ასევე მოვუწოდებ მთავრობას, რომ გააფართოონ ამ ქვეყნების ნუსხა, რომელთათვისაც ჩვენ ვხსნით საზღვრებს. ჩვენ მოვუწოდებ მთავრობას გახსნას სახმელეთო საზღვარი თურქეთთან, ოღონდ რეგულაციებით, ტესტირებით და თუ საჭიროა სხვა დამატებითი შეზღუდვებით“, - განაცხადა კანდელაკმა.

შეგახსენებთ, რომ მთავრობის გადაწყვეტილებით, 14 ე.წ მწვანე ქვეყნებიდან დაბრუნებული მოქალაქეები სავალდებულო კარანტინს გაივლიან.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან