„ევროპული საქართველოს“ წევრის, გიგა ბოკერიას განცხადებით, როდესაც ხელისუფლება მტრული სახელმწიფოს საჯარო განცხადებებს არ ეხმაურება და ტალახს შიგნით ისვრის, მტრის პროპაგანდას ეხმარება.

მისი თქმით, საქართველოს პრეზიდენტის განცხადება რამზან კადიროვის მუქარასთან დაკავშირებით სრული ბოდვაა.

„ეს არის გაგრძელება ამ უაღრესად საზიანო, მავნებლური და უპასუხისმგებლო პოლიტიკურად დანაშაულებრივი ხაზის. როდესაც შენ გაქვს საფუძველი, გაქვს საჯარო განცხადებები მტრული სახელმწიფოსი და ამას კი არ ეხმიანები, ტალახს შიგნით ისვრი. ამით ეხმარები მტრის პროპაგანდას და რისკს უზრდი მომავალში ყველა საქართველოს მოქალაქეს. არა მხოლოდ გაბუნიას, არამედ ყველას. გაბუნიას დაცვა არის ნებისმიერი ხელისუფლების ვალდებულება. ჩვენი ხელისუფლების ვალდებულება არის, რომ ისეთი ნაბიჯები გადადგას, ვინც ბედავს ასეთ რაღაცას მას ჰქონდეს რაღაც შემაკავებელი. გასაგებია იძახიან, რომ გამოძიების დასრულებას ველოდებითო, მაგრამ მაშინ რატომ იშვერენ ხელს შიგნით ოპონენტებისკენ? საჯარო განცხადებები მტრული სახელმწიფოს წარმომადგენლის რეაქციას ვერ მივცემი, ეს რა ბოდვაა. აბა რაზე უნდა მიცეს პრეზიდენტმა რეაქცია?“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას