2020-06-17 17:32:29, 1313 ნახვა
კომენტარი
ადვოკატის ინფორმაციით, ნიკა გვარამია გამოძიების შეკითხვებს მაგისტრი მოსამართლის თანდასწრებით უპასუხებს
გვარამია გამოძიების შეკითხვებს მაგისტრი მოსამართლის დასწრებით უპასუხებს, - ამის შესახებ ტელეკომპანია "მთავარის" გენერალური დირექტორის იურისტმა დიტო საძაგლიშვილმა განაცხადა.
მან ასევე აღნიშნა, რომ ნიკა გვარამიას ეს გადაწყვეტილება გამოწვეულია უწყებებისადმი უნდობლობით.
„ჩვენ ავირჩიეთ, რომ მოსამართლის თანდასწრებით მოხდეს დაკითხვა, რადგან არსებობს უნდობლობის კომპონენტიც. არ ვიცი, რა კითხვები შეიძლება ჰქონდეთ - დაკითხვის შემდეგ შევძლებთ ამაზე საუბარს. წარმოდგენა არ მაქვს, რა ინფორმაცია აინტერესებს სუს-ს ნიკა გვარამიასგან", - განაცხადა დიმიტრი საძაგლიშვილმა.
შეგახსენებთ, რომ ტელეკომპანია "მთავარის" გენერალური დირექტორი, ნიკა გვარამია სუს-ში დაიბარეს,თუმცა როგორც ცნობილია ტელეკომპანიის ხელმძღვანელი სუს-ში მისვლას არ აპირებს.
ავტორი: ექსპრესნიუსი,
epn.ge (@expressnews.ge)
