„ნაციონალური მოძრაობის“ ერთ-ერთი ლიდერი, სალომე სამადაშვლი სახელმწიფო ინსპექტორის ანგარიშს გამოეხმაურა და აღნიშნა, რომ თუ სახელმწიფო ინსპექტორის ანგარიში ადასტურებს, რომ სისტემატურად ხდება ადამიანთა მიყურადება, უნდა დაიწყოს გამოძიება.

სამადაშვილმა დაამატა, რომ მას არ აქვს იმის მოლოდინი, რომ დღევანდელი ხელისუფლების პირობებში გამოძიება დაიწყება და შესაბამისი ზომები გატარდება.

„ეს კონკრეტული ანგარიში, თუ ადასტურებს იმას, რომ სისტემატურად ხდება ადამიანების მიყურადება და მათი საუბარის ჩაწერა, რა თქმა უნდა, ეს არის ძალიან უხეში დარღვევა ჩვენი კონსტიტუციური უფლებების, უნდა დაიწყოს გამოძიება და გატარდეს შესაბამისი ზომები, თუმცა არ მაქვს მოლოდინი, რომ ეს მოხდეს დღევანდელი ხელისუფლების პირობებში", - აცხადებს სალომე სამადაშვილი.

ცნობისთვის, სახელმწიფო ინსპექტორმა დღეს პარლამენტში 2019 წლის ანგარიში წარადგინა. ლონდა თოლორაიას ინფორმაციით, ფარული საგამოძიებო მოქმედებების უმეტესი ნაწილი  სატელეფონო ფარულ მიყურადებასა და ჩაწერას ეხება. თოლორაიას თქმით, ამ მიმართულებით სასამართლომ 1,362 განჩინება გასცა, სახელმწიფო ინსპექტორის სამსახურმა კი 98 შემთხვევაში შეჩერების მექანიზმი გამოიყენა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას