ბუტა რობაქიძის დედა ია მეტრეველი ზურაბ ვაზაგაშვილის საქმეში მსჯავრდებულის ახსნა–განმარტებას გამოეხმაურა, რომელიც ომბუდსმენმა უჩა ნანუაშვილმა გაასაჯაროვა.
ია მეტრეველი აცხადებს, რომ ერთი წლის წინ პატიმარი მასაც დაუკავშირდა და ინფორმაცია მიაწოდა, თუ როგორ იგეგმებოდა მისი მკვლელობა. 
მეტრეველის ინფორმაციით, მკვლელობის დაგეგმვაში ჩართული იყო კრიმინალური პოლიციის ხელმძღვანელის ყოფილი მოადგილე ირაკლი ფირცხალავა და შსს–ს სხვა ყოფილი მაღალჩინოსნები. 
„მანქანის ნომერსაც ასახელებდა, რომლითაც ის, თუ არ ვცდები დიღმის სამმართველოში გადაიყვანეს, სადაც დაუგეგმეს თუ როგორ უნდა გაეკეთებინა ეს. მაღაზიაში როდესაც შევიდოდი, შემომყვებოდა და ყაჩაღობის მიზნით შუბლზე იარაღს დამადებდა“, – აღნიშნა მეტრეველმა.
ცნობისთვის, დღეს ომბუდსმენმა ბრიფინგი გამართა, სადაც ზურაბ ვაზაგაშვილის საქმეში მსჯავრდებულის ახსნა–განმარტება გაასაჯაროვა. 
ნანუაშვილის თქმით, აღნიშნული მსჯავრდებული ირაკლი ფირცხალავას მასზე ზეწოლაში ადანაშაულებს. როგორც ბრალდებული ამბობს, ფირცხალავამ მან ბუტა რობაქიძის დედის ია მეტრეველის მკვლელობა დაავალა, წინააღმდეგ შემთხვევაში ნარკოტიკული დანაშაულისთვის პასუხისგებაში მისცემდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე